Toshkent viloyatida jinoyatchilarga qarshi reydlar o‘tkazildi

«Dolzarb 40 kunlik» tadbiri doirasida Toshkent viloyatida jinoiy guruhning 34 nafar a’zosi qoʻlga olindi. Bu haqda viloyat Ichki ishlar vazirligi xabar bermoqda.

Ularning 11 nafariga nisbatan jinoyat ishi qo‘zg‘atilgan. Qolgan 23 nafar shaxs ma’muriy huquqbuzarlik yuzasidan qo‘lga olingan.

Hibsga olinganlardan 13 dona pnevmatik va ov qurollari, shuningdek, o‘q-dorilar, elektroshokerlar, pichoqlar, kastetlar va bitalar musodara qilindi.

Huquq-tartibot idoralari tomonidan giyohvandlik vositalarini noqonuniy sotish bilan bog‘liq 50 dan ortiq holatning oldi olindi, 11 kilogramm giyohvandlik vositalari va 8 703 dona psixotrop vositalar musodara qilindi.

Shuningdek, turli jinoyat ishlari bo‘yicha qidiruvda bo‘lgan 64 nafar shaxs qo‘lga olindi.

Avvalroq, «Kursiv» poytaxt ichki ishlar boshqarmasi kriminal «avtoritet» Abbosxon Xo‘jayev qo‘lga olingani haqida xabar bergan edi. Boshqarma maʼlumotlariga koʻra, u jamoaviy tovlamachilikda ayblanmoqda.