Fesco O‘zbekistonga logistikani rivojlantirishga yordam beradi

Rossiyaning Fesco transport guruhi O‘zbekiston tomoniga logistika yo‘nalishlarini rivojlantirishda yordam beradi. Korxona rahbariyati «O‘zbekiston temir yo‘llari» aksiyadorlik jamiyati va «O‘zjeldorkonteyner» aksiyadorlik jamiyati vakillari bilan bo‘lib o‘tgan yig‘ilishda shu haqda so‘z yuritdi.

Fesco O‘zbekiston Respublikasi va Rossiya Federatsiyasi o‘rtasida konteyner tashish hajmini oshirishga, shuningdek, ikki mamlakat poytaxtlari o‘rtasida to‘g‘ridan-to‘g‘ri konteyner tashishni tashkil etishga ko‘maklashadi.

Bundan tashqari, tomonlar yangi tranzit yo‘nalishlari – Qirg‘iziston Respublikasi orqali Xitoyga, Turkmaniston orqali Turkiyaga, shuningdek, Afrika va O‘rtayer dengizi mamlakatlariga hamkorlikda ishlashga kelishib oldilar. Barcha ishlar FESCO intermodal xizmatlaridan foydalangan holda amalga oshiriladi.

Rossiya kompaniyasi, shuningdek, mamlakatning transport infratuzilmasini rivojlantirish va logistikani raqamlashtirish bo’yicha kelajakdagi loyihalarda ishtirok etadi.

Avvalroq, «Kursiv»Oʻzbekiston va Rossiya Kaspiy dengizi orqali yuk tashishni yoʻlga qoʻyadi, deb xabar bergan edi.

Eslatib o‘tamiz, Xitoy va O‘zbekiston temir yo‘l tashish hajmini oshirishni rejalashtirmoqda.