Quvaytning yangi amiri qasamyod qildi va mamlakatga rasman rahbar bo‘ldi
20-dekabr kuni Quvayt amiri Mashaal al-Ahmed al-Jobir as-Saboh Kuvayt Milliy assambleyasi oldida qasamyod qildi. U davlatning o‘n yettinchi hukmdori bo‘ldi.
As Saboh Quvayt «xalqining erkinligi va manfaatlariga xizmat qilishga» va davlat ichida tinchlikni saqlashga va’da berdi.
O‘tgan shanba kuni avvalgi amir shayx Navaf al-Ahmad al-Jobir as-Saboh 86 yoshida vafot etgani haqida xabar berilgan edi. U qariyb uch yil davlatni boshqargan. Uning vafoti munosabati bilan mamlakatda 40-kunlik motam e’lon qilindi.
OAV xabarlariga ko‘ra, yangi rahbar kelishi bilan mamlakat tashqi siyosati unchalik o‘zgarmaydi. Quvayt Fors ko‘rfazidagi arab davlatlari bilan munosabatlarni yaxshilashda davom etadi. Shayxning ichki siyosatining asosiy vazifasi hokimiyatning ijro etuvchi va qonun chiqaruvchi tarmoqlari o‘rtasidagi o‘zaro aloqani yaxshilashdir.
Eslatib o‘tamiz, 17-dekabr kuni O‘zbekiston Respublikasi rahbari Shavkat Mirziyoyev amir vafoti munosabati bilan hamdardlik bildirdi.
