Qaysi yoqilg‘i quyish shoxobchalari sifatsiz benzin bilan to‘ldiradi

O‘zbekiston Raqobatni rivojlantirish va iste’molchilar huquqlarini himoya qilish qo‘mitasi hamda «O‘zenergoinspektsiya» tomonidan respublikadagi 82 ta yoqilg‘i quyish shoxobchasida benzin bo‘yicha tekshiruvlar o‘tkazildi. Ma’lum bo‘lishicha, 21 ta yoqilg‘i quyish shoxobchasi sifatsiz yoqilg‘i sotgan, to‘rttasida esa benzin oxirigacha quyilmagan.

Dastlabki ma’lumotlarga koʻra, qoidabuzarlar haydovchilarning 300 mln soʻmga aldashgan.

Qoraqalpog‘istondagi «Gulnora gaz servis», Sirdaryo viloyatidagi «International Petroleum», Qashqadaryo viloyatidagi «Maks Eko Oil», Toshkent viloyatidagi BARS yoqilg‘i quyish shoxobchalarida sifatsiz benzin sotilmoqda.

Xuddi shunday qoidabuzarlik Jizzax viloyatidagi yettita «ISKRA», «HAMKOR IMEJH», «NAZAR OTA», «SHER GRAND GAZ», «Shodlik tuxfasi» va «VERSAL OIL» yoqilg‘i quyish shoxobchalarida ham qayd etilgan.

Farg‘ona viloyatidagi «Karo Oltin Yegdusi», «Lutf HAK», «Vodiy propan gaz servis», «Ofise brokers» yoqilg‘i quyish shoxobchalarida sifatsiz benzin quyildi.

Shuningdek, Andijon viloyatidagi «Markaziy Gaz Oyl», «Brava Oil Co», «Foykon», «Mohinur Oyl», «Boburshox Plyus Oil», «Elit Tranzit Oyl», «Mustaqillik-2001» korxonalariga yoqilg‘i quyish shoxobchalarida yomon yoqilg‘i quyildi.

Andijon viloyatidagi «RASUL» yoqilg‘i quyish shoxobchalarida hamda Buxoro viloyatidagi «Siti benzin», «Jasur Jo‘rabek Tolib nuri» va «Xush Baxt Zar» shoxobchalarida belgilangan miqdordan kamroq benzin to‘ldirilgan.

Qoidabuzarlarga nisbatan ish qo‘zg‘atilgan. Hozirda qo‘mita yetkazilgan zararni bartaraf etish ustida ishlamoqda.

Avvalroq, «Kursiv» Toshkentning qaysi yoqilg‘i quyish shoxobchalarida AI-80 rusumli benzin arzonligi haqida xabar bergan edi.