Toshkentda Yangi yilni qayerda va qanday kutib olish mumkin

Yangi yil – bu dunyodagi mo‘jizalarga ishonish va bayramona muhitga sho‘ng‘itadigan noyob vaqtdir. Joriy yilda O‘zbekiston fuqarolari ish haftasidan qattiy nazar, 30, 31 va 1-dekabr kunlari to‘liq uch kun dam olishadi. «Kursiv» dam olish joylari haqida sharh tayyorladi.

Narxlar to’rt kishilik oila uchun ikki kunlik bayramga hisoblandi.

Heaven’s Garden (Bo‘stonliq tumani, Oqtosh aholi punkti): Yangi yil dasturxoni, shou-dastur va ko‘ngilochar tanlovlar bilan to‘liq xizmatlar to‘plamini taklif etadi. Dam olish maskani qishki basseyn, tuzli g‘or va saunaga kirish imkonini beradi. Bularning barchasini 11 mln so‘mga harid qilish mumkin.

Layner (Toshkent viloyati, Chimyon qishlog‘i): yangi yil dasturxoni, ko‘ngilochar dastur, tanlovlar, master-klass darslari va to‘liq taomlar to‘plamini o‘z ichiga olgan keng xizmatlar to‘plamini taklif etadi. Ushbu xizmatlar to‘plamining narxi 16 mln so‘mni tashkil qiladi.

«Yangiobod» turistik bazasi (Toshkent viloyati, Yangiobod qishlog‘i, 4/12): Dasturda DJ, feyerverk, musobaqalar va diskoteka [SP2], shuningdek, kuniga uch mahal ovqatlanish va yangi yil bayramiga maxsus ziyofat kiradi. Bularning barchasiga 6,5 ​​mln so‘m kerak bo‘ladi.

Bayram kechasida «dachalarni» ijaraga olish ham mumkin. Narxlar kuniga 600 ming so‘mdan 5 mln so‘mgacha bo‘ladi.

Tog‘larda dam olishdan tashqari, Yangi yilni shaharning o‘zida nishonlash mumkin. Toshkent shahrining har bir tumanida yangi yil archalari allaqachon o‘rnatilgan, u yerda ko‘ngilochar shou va salyutlar o‘tkaziladi. Bosh archa Hyatt Regency Tashkent mehmonxonasi yaqinida A.Navoiy nomidagi Milliy kutubxona orqasida joylashgan.

Poytaxt restoranlari bayramlarda maxsus menyu bilan ishlaydi[SP3]. Dasturda jonli musiqa, animatorlar chiqishlari, tanlovlar va sovg’alar bo‘ladi.

Bularning barchasi uchun «MEATme Grill & Bar» restoranida (Yakkasaroy tumani , Kichik Beshag‘och ko‘chasi, 126-uy) 7,5 mln so‘m, «The Choyxona»da (Yunusobod tumani, 1-Bog‘ishamol shoh ko‘chasi, 131) 6 o‘rinli joy uchun 600 dollar bo‘ladi.

Agar Yangi yil bayramlarini uzaytirishni rejalashtirmoqchi bo‘lsa, u holda Tailand, Dubay va Misrda bir hafta uchun 2,5 ming dollardan 9 ming dollargacha bayram o’tkazish mumkin. Narxga turar joy, parvozlar, ovqatlanish, sug’urta, transfer, viza va bayram shousi kiradi.

Oldindan bron qilish tavsiya qilinadi, aks holda bo‘sh joylar  qolmasligi mumkin.