Huawei qanday smartfonlarni chiqardi

Xitoyning texnologiya giganti Huawei kompaniyasi Nova 12 seriyali smartfonlarini bozorga chiqardi.Gadjetlarda qo‘llanilgan chiplar haqida tafsilotlar oshkor etilmadi, deb xabar berdi South China Morning Post.

Seriya uchta smartfonni o’z ichiga oladi: asosiy Nova 12, shuningdek, Nova 12 Ultra va Nova 12 Pro. Ularning narxi 420 dan 770 dollargacha.

Yangi smartfonlar Huawei kompaniyasining HarmonyOS 4 deb nomlangan o‘z operatsion tizimining so‘nggi versiyasida ishlaydi. Kompaniya yangi mahsulotlarda qanday chipdan foydalanilganini oshkor etmadi.

Nashrning qayd etishicha, Huawei smartfonlari liniyalarining yangilanishi Xitoyda ishlab chiqarilgan Kirin 9000 chipi bilan jihozlangan Mate 60 Pro smartfoni avgust oyida kutilmaganda e’lon qilinganidan keyin kuzatilmoqda.Qurilma 5G’ni qo‘llab-quvvatlaydi. Mahalliy kompaniyalarning ilg’or Amerika texnologiyalaridan foydalanish imkoniyati cheklanganligi fonida Mate 60 Pro-ning chiqarilishi e’tiborni tortdi.

Huawei kompaniyasining yangi smartfonlarining chiqarilishi Xitoy bozorida raqobatni yanada oshirishi kutilmoqda.

«Kursiv» avvalroq AQSh rasmiylariga ko‘ra, Huawei ilg‘or mikrochiplar ishlab chiqarishga qodir emasligini yozgan edi.