Sog‘liqni saqlash vazirligi 100 ta tez tibbiy yordam mashinasining yangi partiyasini oldi. Ixtisoslashtirilgan avtomobillarni «Jizzax avto» kompaniyasi yetkazib berdi.
Avtomobillar poytaxt, Buxoro, Namangan va O‘zbekistonning boshqa viloyatlariga jo‘natildi.
Eslatib o‘tamiz, noyabr oyi boshida shifokorlar 100 dan ortiq tez yordam mashinasini qabul qilishgan. Tashabbus Osiyo taraqqiyot banki va Osiyo infratuzilma sarmoyalari banki ko‘magida boshlangan.
Avvalroq, «Kursiv» tez yordam chaqirish bo‘yicha Farg‘ona viloyati yetakchi ekanligini yozgan edi.
