Investor “O‘zbekiston shampani“ni 72 mlrdga sotib oladi va vino turizm markazini yaratadi

«O‘zbekiston shampani» kompaniyasining 51,48% davlat ulushini Euro Pack MChJ sotib oladi. Savdoni Xususiylashtirish davlat komissiyasi ma’qulladi, deya xabar beradi Davlat aktivlarini boshqarish agentligi (DABA).

Bitim summasi 72 mlrd. Ammo, investor 2025 yilgacha AJ rivojlantirish uchun 18,5 mln dollar sarmoya kiritadi. Bu ishlab chiqarishni modernizatsiya qilish, konyak spirti ishlab chiqarish uchun uskunalar va uni saqlash uchun eman bochkalarini o’rnatishni o’z ichiga oladi. Zavod hududida restoran va degustatsiya zali tashkil etiladi, Parkent tumanida vino turizmi markazi ochilishi rejalashtirilgan.

Umuman olganda, xususiylashtirish bo’yicha maslahatchi (KPMG) to’rtta arizachining davlat ulushini sotib olish bo’yicha takliflarini ma’qulladi. Euro Pack eng yuqori narxni taklif qildi. Xaridor spirtli ichimliklar uchun idishlar ishlab chiqarishga ixtisoslashgan. DABA xabarida ta‘kidlanishicha, kompaniya kelajakda AJ  ish faoliyatini  yaxshi ta‘minlashi mumkin.

Korporativ axborot yagona portalida «O‘zbekiston shampani»ning so‘nggi moliyaviy hisobotlaridan faqat 2023-yilning birinchi choragi uchun ma’lumotlari bor. Uch oy davomida AJ daromadi 35,5 mlrd so‘mni tashkil etdi. 2022-yilda esa shu vaqt ichida 13,36 mlrd so‘m edi.

Avvalroq, «Kursiv» O‘zbekistonda kuchli spirtli ichimliklar ishlab chiqarish kamayib borayotgani haqida yozgan edi. Statistika agentligi 2023-yilning 11-oyi davomida aroq ishlab chiqarish 23,2%ga kamayganini ma’lum qildi. Uzum sharob segmentida ham deyarli uchdan bir (-29,6%) pasayish qayd etilgan.