Los-Anjelesda Amerikaning ikkinchi nufuzli kino mukofoti «Oltin globus» topshirildi. «Oppengeymer» filmi eng yaxshi dramatik film sifatida tan olindi, uning rejissyori Kristofer Nolan ham rejissura nominatsiyada mukofot oldi.
Komediya/myuzikl janrdagi eng yaxshi film yunon rejissyori Yorgos Lantimosning «Bechoralar va baxtsizlar» filmiga nasib etdi. Uning yetakchi aktrisasi Emma Stoun belgilangan janrlarda eng yaxshi ayol roli uchun mukofotni oldi. Dramada «Gul oyining qotillari» filmida bosh rolni ijro etgan Lili Gladston’ni belgilab o‘tishdi.
Dramadagi bosh erkak roli uchun Oppengeymer obrazini ekranda ijro etgan Killian Myorfiga berildi. Pol Jamatti komediya/myuziklda eng yaxshi aktyor nominatsiyasida g‘olib bo‘ldi.
Fransiyaning «Qulash anatomiyasi» filmi chet tilidagi eng yaxshi film deb topildi. Yaponiyalik rejissyor Xayao Miyazakining «Bola va qush» multfilmi animatsiya yo‘nalishi bo‘yicha nomzod bo‘ldi.
«Oltin globus» mukofoti Gollivud xorijiy matbuot assotsiatsiyasi tomonidan 1944-yildan beri topshirilib kelinmoqda.
Avvalroq, «Kursiv» 2023-yilgi Buker mukofoti sovrindorlari haqida yozgan edi.
