Ekvadorda mamlakat prezidenti Daniel Noboa giyohvand moddalar savdosi bilan shug‘ullanuvchilar faoliyatini cheklashga va’da berganidan so‘ng, mamlakatda qurol ishlatish bilan bog‘liq bir qator hodisalar sodir bo‘ldi, deb xabar bermoqda Reuters.
Shunday qilib, jonli efir vaqtida o’ndan ortiq qurollanganlar TC telekanalini egallab olishdi. Voqealar taxminan 20 daqiqa davomida efirga uzatilgan, bosqinchilar jurnalistlarga qurol bilan tahdid qilgan. Shu kungacha politsiya bir qancha qurolli hujum qilgan shaxslarni qo‘lga oldi.
Bu so‘nggi 24 soat ichida mamlakatda ro‘y bergan yagona zo‘ravonlik hodisasi emas edi. Kamida yetti nafar politsiyachi o‘g‘irlab ketilgan va bir necha portlashlar sodir etilgan.
Noboa mamlakatda «ichki qurolli mojaro» rejimini joriy qildi va 22 jinoiy guruhni terroristik tashkilotlar deb nomladi.
«Bugungi voqealar milliy hukumat tomonidan qabul qilingan xatti-harakatlar va qarorlar jinoiy tarmoqlarga jiddiy ta‘sir ko‘rsatayotganini va bunga javoban ular aholini qo‘rqitish uchun zo‘ravonlik to‘lqinini keltirib chiqarganini ko‘rsatadi», – deya Reyter qurolli kuchlar qo‘shma qo‘mondonligi rahbarini Xayme Vela’ning so‘zlaridan iqtibos keltirgan.
Noyabrda Ekvador prezidenti bo‘lgan Noboa saylovchilarga giyohvand moddalar bilan bog‘liq zo‘ravonlikni cheklashga va’da bergan edi. Uning qaroriga ko‘ra, jinoiy guruh boshliqlari qattiqroq rejimdagi qamoqxonalarga o‘tkazildi.
Avvalroq, «Kursiv» o‘tgan yili yanvar oyida norozilik namoyishlari tufayli Braziliya poytaxtida favqulodda holat joriy etilganini yozgan edi.
