Pokistonda sobiq hukumat rahbari bosh vaziri yana 14 yilga hukm qilindi

Pokiston sudi sobiq bosh vazir Imron Xon va uning rafiqasi Bushra Bibini korrupsiya ishi bo‘yicha 14 yillik qamoq jazosiga hukm qildi, deb xabar berdi Dawn nashri.

Er-xotin boshqa davlatlarning davlat arboblariga sovg‘alar saqlanadigan davlat ombori Toshaxonning zargarlik buyumlarini sotishda aybdor deb topildi.

Sobiq bosh vazir va uning rafiqasiga o‘n yilga davlat faoliyati bilan shug‘ullanish taqiqlangan. Bundan tashqari, ularning har biri $9,4 mln jarima to‘lashi shart.

Bir kun avval, Imron Xon boshqa ish bo‘yicha jazoga tortilgan edi – u davlat sirlarini oshkor qilgani uchun o‘n yilga ozodlikdan mahrum etildi. Sobiq hukumat rahbari tarafdorlari bu qarorga rozi emas va hukmga e’tiroz bildirmoqchi.

Imron Xon 2022-yilda lavozimidan chetlashtirildi. Iste’foga chiqqanidan bir yildan so‘ng, u korrupsiyada ayblanib, uch yilga qamalgan. Keyinroq jazo muddatini to‘xtatilgan edi. Uni garov evaziga qo‘yib yuborishgan, deyishdi uning advokatlari. Umuman olganda, siyosatchiga qarshi 200 dan ortiq ish qo‘zg‘atilgan.