Mask Tesla’ni Texasda qayta ro‘yxatdan o‘tkazmoqchi

Tesla bosh direktori Ilon Mask aksiyadorlar o‘rtasida kompaniyani ro‘yxatdan o‘tkazishni Delaverdan Texasga o‘tkazish bo‘yicha ovoz berishlarini e’lon qildi, deb xabar bermoqda Reuters.

Bungacha amerikalik milliarder X (Twitter) ijtimoiy tarmog‘ida so‘rov o‘tkazib, unda qayta ro‘yxatdan o‘tish haqida savol bergan edi. Respondentlarning 87,1 foizi yoqladi.

Eslatib o‘tamiz, 2024-yilning 30-yanvarida Delaver shtati sudi Maskga $56 mlrd mukofot to‘lamaslik uchun qaror qilgan edi. Bu summa AQSh korporativ tarixidagi eng yirik to‘lov bo‘lardi.

Keyinchalik Tesla rahbari X-da kompaniyani Delaverda ro‘yxatdan o‘tkazishga arzimasligini yozgan.

Bungacha Mask Tesla shtab-kvartirasini Kaliforniyaning Palo-Alto shahridan Texasning Ostin shahriga ko‘chirdi.

Avvalroq, «Kursiv» 25-yanvar kuni IV-chorak uchun hisobot e’lon qilinganidan keyin Tesla aksiyalari 12 foizga arzonlashganini e’lon qilgan edi.