Qatar: Isroil G‘azoda vaqtinchalik o‘t ochishni to‘xtatishga rozi

Qatar hukumati G‘azo sektorida vaqtinchalik o‘t ochishni to‘xtatish uchun Isroil va Falastinning «HAMAS» guruhidan dastlabki rozilik oldi, dedi arab mamlakati Tashqi ishlar vazirligi (TIV) vakili Majid ibn Muhammad al-Ansoriy. Bu haqda mahalliy OAVga tayanib, «Kommersant» xabar berdi.

Ammo, Isroil Qatar TIV ma’lumotlarini tasdiqlamadi. Bosh vazir maslahatchisi Dmitriy Gendelman Isroil Qatardan sulh bitimi haqida hech qanday rasmiy xabar olmaganini aytdi.

Tomonlar oʻrtasida vaqtinchalik sulh tuzish boʻyicha kelishuv Amerika Qoʻshma Shtatlari (AQSh), Misr va Qatar tomonidan tayyorlanmoqda. Bu G‘azoda ikki oylik otashkesimni nazarda tutadi. Ayni paytda Isroil qamoqdagi falastinliklarni, HAMAS esa garovga olinganlarni ozod qiladi.

Avvalroq, «Kursiv» Isroil va XAMAS o‘rtasida sulh o‘rnatishga oldingi urinishi haqida e’lon qilgan edi.