O‘zR prezidenti Shavkat Mirziyotev maktabgacha ta’lim va maktab ta’limidagi vaziyatni tahlil qilib, istiqboldagi strategiyani belgilab berdi.
Oxirgi islohotlarga ko‘ra, O‘zbekistonda maktabgacha ta’lim muassasalarini qamrab olish 74 foizga ko‘tarildi, bu ko‘rsatkich 2016-yilda 27 foiz edi.
Joriy yilda davlat bog‘chalari sig‘imini 10 ming o‘ringa, xususiy bog‘chalarni esa 50 ming o‘ringa oshirish rejalashtirilgan. Biroq ayrim chekka qishloqlarda bolalar bog‘chalari yetishmasligi kuzatilmoqda, bu esa bolalarni maktabgacha ta’lim bilan to‘liq qamrab olishga to‘sqinlik qilmoqda.
Xususiy muassasalar bolalarni ro’yxatga olish uchun raqamli texnologiyalarni joriy qilishni boshlagan, biroq davlat bog’chalarida bu jarayon hali boshlanmagan.
Shu tufayli, bolalar bog‘chalarida byudjet mablag‘laridan foydalanishni optimallashtirish maqsadida Maktabgacha ta’lim agentligiga samarali moliyaviy boshqaruv tizimini ishlab chiqish vazifasi yuklatildi.
Avvalroq, «Kursiv» O‘zbekistonda kimga o‘qituvchilik qilish taqiqlanishini e’lon qilgan edi.
