O‘zbekiston xorijiy sarmoya oqimini oshirish yo‘lini topdi
O‘zbekiston fond va valyuta birjalari bir-birining a’zolarini o‘zaro tan oladi, deb xabar beradi UzRVB.
Eslatib o‘tamiz, korporativ qimmatli qog‘ozlar (aksiya va obligatsiyalar) O‘zbekiston fond birjasida sotiladi, davlat obligatsiyalarini esa faqat valyuta birjasi orqali sotib olish mumkin. Ikki birja aʼzolarining oʻzaro tan olinishi ushbu platformalarda ishtirokchilarning investitsiya vositalarini sotib olish va sotish imkoniyatlarini kengaytiradi. UzRVB yangi amaliyot xorijiy investorlarni O‘zbekiston bozoriga jalb qilish uchun yanada keng sharoit yaratadi, deb hisoblaydi.
O‘zaro tan olish uchun yagona elektron ma’lumotlar bazasi yaratiladi. Birja aʼzoligiga qabul qilish ushbu tizimdagi maʼlumotlarni tekshirish orqali ariza asosida amalga oshiriladi.
«Maʼlumotlarni tekshirish jarayonida topshirilgan hujjatlar va maʼlumotlarda kamchiliklar mavjud bo‘lmasa, talabgorni davlat qimmatli qog‘ozlari bilan operatsiyalarni amalga oshirish va savdolarda qatnashish huquqini beruvchi O‘zRVBning “V» toifasi bo‘yicha aʼzoligiga qabul qilish yuzasidan 3 ish kunida O‘zRVB Ijroiya organi qarori qabul qilinadi”, – deyiladi valyuta birjasi xabarida.
Valyuta birjasi a’zolari «Toshkent» fond birjasining ishtirokchisi sifatida ham tan olinadi. Ular treyder akkreditatsiyasi orqali saytda savdo qilishlari mumkin bo’ladi.
Avvalroq, «Kursiv» UzRVB aʼzoligiga toʻrt kompaniya qoʻshilganini yozgan edi. «B» toifasiga Leader Finance Capital, Premium Finance, Satori Capital, Toshkent Investitsiya Majmui kirdi. Joriy yilning fevral oyi holatiga ko‘ra, ishtirokchilar soni 42ga yetdi.
