Mastercard O‘zbekistonda turizmni raqamlashtirishga yordam beradi
Mastercard kompaniyasi O‘zbekistonda turizm sohasidagi innovatsiyalarni rivojlantirishga bag‘ishlangan workshop o‘tkazdi. Mazkur uchrashuv O‘zR Ekologiya, atrof-muhitni muhofaza qilish va iqlim o‘zgarishi vazirligi huzuridagi Turizm qo‘mitasi bilan hamkorlikda tashkil etildi.
Workshop O‘zbekiston 2023-yil oktabr oyida Mastercard turizm innovatsiyalari markaziga qo‘shilganidan keyingi birinchi tadbir bo‘ldi. O‘zRning mazkur tashabbusdagi ishtiroki keyingi tahlillar, strategiyalarni ishlab chiqish, turistlar oqimini prognozlash va iste’molchilarning xatti-harakatlarini tahlil qilish uchun statistik ma’lumotlar va tushunchalarga ega Mastercard raqamli platformalaridan foydalanish imkonini beradi.
Seminar davomida butun dunyo bo‘ylab mashhur sayyohlik yo‘nalishlarini rivojlantirishda ishtirok etgan xalqaro ekspertlar sayyohlik sayohatlarini raqamli qo‘llab-quvvatlashning o‘rni ortib borayotganini ta’kidladilar. Taqdim etilgan tadqiqotlarga ko‘ra, bron qilish va sayohat davomida sayohatchilar o‘rtacha10-12 tagacha ilovalardan foydalanadilar. Millenniallarning 85 foizi sayohatni rejalashtirishda ijtimoiy media postlariga tayanishadi va 74 foizi sayohat paytida ijtimoiy tarmoqlardan foydalanishadi.
Mastercard kompaniyasining MDH va Sharqiy Yevropa mintaqasi bo‘yicha prezidenti Yasemin Bedir ta’kidlaganidek, kompaniya O‘zbekistonga 2025-yilga borib 9 mln sayyohni jalb etish maqsadiga erishishda yordam bermoqchi. Endi esa Mastercard sayyohlar o‘zlarini O‘zRda imkon qadar qulay his qilishlari uchun ishlamoqda, bu orqali tobora ko‘proq raqamli to‘lov imkoniyatlari yaratiladi.
«Tadqiqotlar shuni ko‘rsatadiki, agar odam naqd puldan kamroq foydalansa va karta yoki telefon orqali to‘lash imkoniyatiga ega bo‘lsa, notanish mamlakatda xavotir darajasi pasayadi. O‘zining jo‘shqin madaniyati, tarixi va mehmondo‘stlik an’analari bilan butun dunyo bo‘ylab sayohatchilar uchun haqiqiy marvariddir. Shu bois Mastercard turizm innovatsion markazi O‘zbekistondagi turizmdan manfaatdor tomonlarning eng keng doirasiga sohani barqaror va inklyuziv rivojlantirishda yordam berishni maqsad qilgan», — ta’kidladi Yasemin Bedir.
Avvalroq, «Kursiv» O‘zbekiston prezidenti Shavkat Mirziyoyev mamlakatda to‘siqsiz turizm infratuzilmasini rivojlantirish to‘g‘risidagi farmonni imzolagani haqida xabar bergan edi.
