Toshkent metropoliteni bir kunda 903 ming kishini tashidi
eʼlon qilindi
Ko‘rsatkich 5 mart kuni qayd etilgan
5-mart, seshanba kuni Toshkent metropoliteni xizmatidan 903 ming yo‘lovchi foydalandi, deb xabar berdi poytaxt metropoliteni boshqarmasi.
«Bu ko‘rsatkich 2021 yilga nisbatan 3 barobarga, 2016 yilga nisbatan esa 6 barobarga ko‘p yo‘lovchilarga xizmat ko‘rsatildi deganidir», — deya aniqlik kiritdi kompaniya matbuot xizmati.
Avvalroq Kursiv Toshkent aholisi ATTO virtual transport kartalaridan tez-tez foydalana boshlagani haqida yozgan edi.
