Afgʻonistonda 3,9 balli zilzila sodir boʻldi

8-mart kuni Afgʻonistonda zilzila qayd etildi. Bu haqda FVV Seysmoprognostik monitoring respublika markazi xabar bermoqda. Yer silkinishlari magnitudasi 3,9 ni tashkil etdi. O‘choq markazi 263 km chuqurlikda kuzatildi.

Zilzila oʻchogʻidan Toshkentgacha boʻlgan masofa janubi-sharqiy yoʻnalishda 496 km.

Avvalroq «Kursiv» 7-mart kuni Qashqadaryo viloyati Mirishkor tumanida 4,6 magnitudali zilzila sodir boʻlgan haqida xabar bergan edi.