Ozodbek Nazarbekov: Oʻzbekiston teatrlarida texnologiyalar va sahnalashtirishga moʻljallangan anjomlar eskirgan
eʼlon qilindi
Madaniyat vaziri so‘zlariga ko‘ra
Oʻzbekiston teatrlarida texnologiyalar va sahna rekvizitlari eskirgan va bu muammolarni hal qilish chora-tadbirlari joriy etiladi, deb xabar berdi madaniyat vaziri Ozodbek Nazarbekov.
Oʻzbekiston teatrlarida saviya past emas, balki texnologiyalar va sahnalashtirishga moʻljallangan anjomlar eskirgan va texnik mutaxassislar tanqisligi bor, deydi madaniyat vaziri.
«Chet el teatr sahnalarida kema suzyapti, qor yogʻyapti, biz esa bunday texnologiyalar boʻyicha ancha orqadamiz. Biroq bu masalani hal qilish uchun biz texnik xodimlarni xorijga malaka oshirishga joʻnatish ishlarini olib boramiz»— deydi vazir.
Avvalroq «Kursiv» «Ilhom» teatrida qoraqalpoq rassomining ko‘rgazmasi bo‘lib o‘tishini e’lon qilgan edi.
