Avtomobil ta’mirlash ustalari Germaniyaga ishga taklif qilinadi

Germaniya yuk avtomobillariga texnik xizmat ko‘rsatish bo‘yicha O‘zbekiston Respublikasidan texnik xodimlar uchun bo‘sh ish o‘rinlarini ochdi. Bu haqda Tashqi mehnat migratsiyasi agentligi matbuot xizmati xabar berdi.

Nomzodlar Gyote, ECL, ÖsD yoki Telc nemis tilidagi B1 sertifikatiga, kollej diplomiga, avtomobil xizmati bo‘yicha texnik maktab diplomiga, sohada ish tajribasiga ega bo‘lishi va 20 yoshdan 40 yoshgacha bo‘lishi kerak. Bundan tashqari, Ausbildung kasb-hunar ta’limi olish uchun sizga maktab sertifikati va kamida B1 darajasidagi nemis tilini bilish sertifikati kerak. Ausbildung tizimi bo’yicha 3 yillik stipendiya 900 yevroni tashkil qiladi.

Ausbildung – bu ishga asoslangan kasbiy ta’lim tizimi biridir. Odatda tayyorgarlik 2 yildan 4 yilgacha davom etadi. O‘qishni tugatgandan so‘ng, abituriyentlar nemis malakasini oladilar.

Nomzodlarga oyiga 1,7 ming yevro maosh (soliqlar to‘langanidan keyin), sinov muddatini tugatgandan so‘ng uzoq muddatli mehnat shartnomasini tuzish imkoniyati, har yili 30 kunlik ta’til va imtiyozli uy-joy topishda yordam va’da qilingan. Aviachiptalar va Germaniyaga transfer xarajatlari ish beruvchi tomonidan qoplanadi.

Arizani havola orqali yuborish mumkin.