Alisher Navoiy nomidagi Katta teatrda ochiq eshiklar kuni o‘tkaziladi
Alisher Navoiy nomidagi Davlat akademik katta teatrida Navroʻz bayrami va Xalqaro teatr kuni munosabati bilan ochiq eshiklar kuni eʼlon qilindi.
22-26-mart kunlari teatrga kirish hamma uchun bepul. Tashrifchilar shu kunlarda boʻlib oʻtadigan konsertlarga ham tashrif buyurishlari mumkin.
Sana, vaqt va konsert nomlari:
22-mart kuni soat 18:00 da — Italiya musiqa kechasi «Uch tenor»
23-mart kuni soat 18:00 da — Juzeppe Verdi «Aida» operasi
24-mart kuni soat 18:00 da — Rustam Abdullayevning «Sadoqat» operasi
25-mart kuni soat 18:00 da — Alisher Navoiy nomidagi Katta teatr opera solistlarining konserti
25-mart kuni soat 12:00 va 18:00 da — «Tumor» milliy raqs ansamblining konserti
Teatrga odamlar navbatma -navbat kirishadi, deya taʼkidladi teatr matbuot xizmati.
«Mart oyi repertuaridagi qolgan spektakllarga kirish chiptalar orqali amalga oshiriladi, ularni teatr kassalarida va onlayn xarid qilish mumkin», — deyiladi xabarda.
Avvalroq «Kursiv» Oʻzbekiston prezidenti yordamchisi Saida Mirziyoyeva Dohada OʻzRʼning hunarmandchilik anʼanalarini taqdim etgani haqida yozgan edi.
