Navro‘z bayrami munosabati bilan O‘zbekiston rezidentlari uchun elektron soliq xizmatlari vaqtincha ishlamaydi, deb xabar qildi Soliq qo‘mitasi matbuot xizmati.
Qo‘mitaning veb-resurslarini optimallashtirish va Ma’lumotlarni qayta ishlash markazi serverlari sig‘imini oshirish tufayli onlayn xizmatlar o‘chirib qo‘yiladi. 21-mart soat 21:00 dan 23-mart soat 09:00 gacha profilaktika ishlari olib boriladi.
Eslatib o‘tamiz, Yagona interaktiv davlat xizmatlari portali ham texnik ishlar tufayli 21-24 mart kunlari ishlamaydi.
Avvalroq «Kursiv» O‘zbekistondagi savdo kompaniyalari qancha soliq to‘lagani haqida yozgan edi.