Erdoʻgʻonning oʻgʻli Ostonada besaranjomlik yuzaga kelishiga sabab boʻldi
Turkiya prezidentining oʻgʻli Najmiddin Bilol Erdoʻgʻon Ostonadagi EXPO koʻrgazma markaziga tashrif buyurdi. U V Butunjahon koʻchmanchilar oʻyinlarining teskari hisobotini boshlash marosimida ishtirok etdi, deb xabar bermoqda Qozogʻiston respublikasi parlamenti Majlisi matbuot xizmati.
Jahon etnik sport konfederatsiyasiga rahbarlik qilayotgan kichik Erdoʻgʻonning tashrifi eʼlon qilinmagan va shu sababli koʻpchilik uchun kutilmagan boʻldi.
EXPO koʻrgazmasida boʻlib oʻtadigan bayram tadbirlariga chipta sotib olgan mehmonlar uzoq vaqt davomida binoga kiritilmagan, deb xabar bermoqda mahalliy OAV.
Shu bilan birga, kichik Erdoʻgʻonning qoʻriqchilari turk tilida suratga tushmaslikni va binoga oʻtish joyini band qilmaslikni talab qilgan.
Marosimda Qozogʻistonning boshqa yuqori martabali amaldorlari ham ishtirok etdi, xususan, Turizm va sport vaziri Ermek Marjikboyev, Ostona shahri hokimi Jenis Qosimbekov, Milliy sport turlari assotsiatsiyasi prezidenti Islombek Saljanov shular jumlasidan.
Najmiddin Bilol Rajab Toyyib Erdoʻgʻanning uchinchi oʻgʻli hisoblanadi. Avvalroq Turkiya prezidenti 2028-yilgi saylovlarda nomzodini koʻrsatmasligi va ishtirok etmasligini aytgan edi.
