JCH—2026 saralashi. Oʻzbekiston safarda Hongkongni mag‘lub etdi

Futbol boʻyicha Oʻzbekiston terma jamoasi JCH—2026 saralashi doirasida bugun, 21-mart kuni Hongkongga qarshi bahs olib bordi.

Uchrashuvning birinchi boʻlimida darvozalar ishgʻol etilmadi.

Ikkinchi boʻlim boshida vakillarimiz hisobni ochdi. 49-daqiqada Eldor Shomurodov oʻz hisobiga gol yozdirib qoʻydi. 66-daqiqada esa Rustam Ashurmatov hisobni ishonchli koʻrinishga olib keldi.

Qolgan daqiqalarda darvozalar daxlsizligi saqlanib qoldi va Oʻzbekiston 2:0 hisobida gʻalaba qozondi.

Ushbu gʻalabadan soʻng terma jamoasimiz E guruhida ochkolari sonini 7 taga yetkazib, guruh pishqadamiga aylanib oldi. Guruhning ikkinchi oʻyini Eron va Turkmaniston jamoalari oʻrtasida kechadi. Javob uchrashuvi 26-mart kuni Toshkentda bo‘lib o‘tadi.