Crocus City Hallʼdagi terakt sodir etganlarning shaxsi aniqlandi
eʼlon qilindi
Teraktni uyushtirganlikda olti kishi gumon qilinmoqda
Rossiya xavfsizlik kuchlari Moskva yaqinidagi Crocus City Hallʼdagi teraktda gumon qilingan toʻrt nafar shaxsni aniqladi. Bu haqda Baza xabar bermoqda.
Baza xabariga koʻra, terakt uyushtirganlikda gumon qilinayotganlar: Mahmadrasu Nasridinov, Rivojidin Ismmonov, Shohinjon Safolzoda va Rustam Nazarov. ularning yoshi 21 dan 51 yoshgacha.
Shuningdek, nashrning aniqlik kiritishicha, ularning barchasi — Tojikiston fuqarolari.
Oʻz navbatida, Tojikiston Tashqi ishlar vazirligi oʻz fuqarolarining teraktga aloqadorligini soxta (feyk) deb atadi.
Avvalroq «Kursiv» Rossiyaning Oʻzbekistondagi elchixonasi yonida memorial yodgorlik tashkil etilgani haqida xabar bergan edi.
