Rossiyalik sayyohlar O‘zbekistonda dam olishdan mamnun

Rossiyada O‘zbekistonga bahorgi turlarga talab oshdi. Oʻtgan yilning shu davriga nisbatan mamlakatimizga sayyohlik safarlariga talab 20 foizga oshdi, deb xabar qildi Rossiya Federatsiyasi Turoperatorlari assotsiatsiyasi.

Ekskursiyalarni sotishni cheklovchi omil – bu yetarli miqdordagi gidlarning yo‘qligi. Boshqacha aytganda, taklif yetarli emas, lekin talab bor.

Assotsiatsiyaning qoʻshimcha qilishicha, Oʻzbekistonga sayohatlar narxi 2023-yil bahoriga nisbatan biroz oshdi: 10-13 foizga.

Shu bilan birga, talabning eng yuqori natijasi fevral-mart oylariga to‘g‘ri keldi, O‘zbekiston bo‘ylab sayohat qilish uchun eng qulay oy aprel bo‘ldi.

Avvalroq «Kursiv» Yevropaning qaysi davlatlaridan sayyohlar O‘zbekistonga ko‘proq tashrif buyurishini ma’lum qilgan edi.