UzAuto Motors kompaniyasi Labo avtomobili uchun shartnomalar yakunlangani haqida xabar berdi. 29-mart kuni taxminan bir soat ichida 18 ming shartnoma tuzildi.
Eslatib o‘tamiz, kompaniya 29-mart kuni ertalab soat 10 dan boshlab avtomobillarni sotishni boshlagan. Shartnoma yakunlangani haqidagi xabar 11:56 da paydo bo’ldi.
UzAuto Motors qayd etishicha, avtomobillar narxi o‘zgarishsiz qolgan.
Avvalroq «Kursiv» Oʻzbekistonda yigʻilgan KIA Sonet joriy yilning 10-aprelidan boshlab sotuvga chiqarilishi haqida xabar bergan edi.
