![](https://cdn-uz.kursiv.media/wp-content/uploads/2024/01/sum-1024x683.jpg)
Belarusning ayrim banklari tajriba tariqasida hisob-kitoblarni manat va so‘mlarda amalga oshirmoqda, deya xabar berdi TASS muxbiriga Belarus Turizm sanoati respublika uyushmasi boshqaruvi raisi Filipp Guliy.
«Ba’zi banklarimiz tajriba tariqasida milliy valyutada, xoh manat, xoh o‘zbek so‘mida to‘lovlarni amalga oshirish imkoniyatini yaratdi», — dedi u.
Guliy bu jarayon endigina boshlanayotganini ham qo‘shimcha qildi. Uning so‘zlariga ko‘ra, ushbu tajriba tashabbusi MDH davlatlarining milliy valyutalarida hisob-kitob jarayonini tezlashtiradi.
Eslatib o‘tamiz, 2023-yil bahorida Rossiyaning VEB.RF davlat korporatsiyasi raisi Igor Shuvalov Rossiya va Xitoy to‘lovlarni ShHT va BRIKS mamlakatlari milliy valyutalarida amalga oshirishi kerakligini aytgan edi.
Avvalroq «Kursiv» Markaziy Osiyo davlatlari milliy valyutadagi o‘zaro hisob-kitoblar ulushini oshirishni rejalashtirayotgani haqida yozgan edi.