Oʻzbekistonda elektron sigaretalar taqiqlanishi mumkin

Oʻzbekiston hukumati mamlakatga elektron sigaretalar olib kirish, realizatsiya qilish va ishlab chiqarishni taqiqlashi mumkin. Qonun loyihasi Sogʻliqni saqlash vazirligi tomonidan ishlab chiqilib, hujjat Normativ-huquqiy hujjatlar loyihalari muhokamasi portalida eʼlon qilindi.

Shuningdek, elektron sigaretalardan tashqari, tamaki isitish tizimlari ham taqiqlanishi mumkin.

Soʻnggi yillarda mamlakatimizga tamaki mahsulotlarining «zamonaviy va innovatsion» turlari, yaʼni elektron sigaretalar importi keskin oshgan. Bu Oʻzbekiston aholisi uchun sogʻlom turmush tarzini shakllantirishga qaratilgan saʼy-harakatlar fonida sodir boʻlmoqda.

Qarama-qarshilikni bartaraf etish uchun Oʻzbekiston Sogʻliqni saqlash vazirligi elektron sigaretalar, ular uchun suyuqliklar va tamaki isitish tizimlarining muomalasini taqiqlashni taklif qilmoqda.

Qonun talablarini buzganlik uchun ham maʼmuriy, ham jinoiy javobgarlikni joriy etish taklif etilmoqda. Xususan, ular Oʻzbekiston respublikasi Jinoyat kodeksini bunday mahsulotlarni ishlab chiqarish, saqlash va olib kirish uchun besh yilgacha ozodlikdan mahrum etish tarzidagi jazo choralarini nazarda tutuvchi modda bilan toʻldirishni rejalashtirmoqda.

Avvalroq «Kursiv» yanvar oyi Toshkent viloyatiga 1,3 milliard soʻmlik 9,6 ming dona elektron sigareta olib kirilishining oldi olingani haqida xabar bergan edi.