O‘zbekiston Favqulodda vaziyatlar vazirligi huzurida sel, suv toshqinlari va ko‘chkilar bilan bog‘liq favqulodda vaziyatlarning oldini olish bo‘yicha respublika idoralararo shtabi faoliyati yo‘lga qo‘yildi. Bu haqda boshqarma boshlig‘i G‘ayrat Jo‘rayev ma’lum qildi.
Respublika Favqulodda vaziyatlar vazirligi tomonidan tog‘li va tog‘oldi hududlarida sel va suv toshqinlari xavfini o‘z vaqtida ogohlantirish maqsadida kechayu kunduz 120 ta kuzatuv postlari tashkil etildi. 48 ta suv ombori, 11 ta sel ombori va gidrotexnik inshootda sel oqimlarini favqulodda tushirishga tayyorligi tekshirildi.
Suv toshqinlari oqibatlarini bartaraf etish uchun 218 ta mexanizatsiyalashgan bo‘linmalar ko‘rikdan o‘tkazildi.
Fuqarolardan togʻli va togʻ oldi hududlarida xavfsizlik qoidalariga rioya qilish, suv toshqini va koʻchki boʻlishi mumkin boʻlgan hududlarda dam olmaslik, bunday hududlarda chorva mollarini boqmaslikni so‘rashdi.
Avvalroq «Kursiv» Samarqand va Qashqadaryo viloyatlarida kuchli yomg‘ir tufayli suv toshqini kuzatilgani haqida yozgan edi.
