O‘zbekistonda elektromobillar bozori moʻtadillasha boshladi

2024-yilning mart oyida avtomobillar savdosi 5,8 foizga kamaydi. Biroq elektromobil segmentida biroz o‘sish kuzatildi, deb tahlil qildi Iqtisodiy tadqiqotlar va islohotlar markazi.

Martda deyarli 109 mingta avtomobil, shu jumladan, 96,5 mingta yengil avtomobil sotilgan. Yengil avtomobillar savdosi o‘tgan oyga nisbatan 12,1 foizga pasaydi. Hududlar bo‘yicha Farg‘ona, Surxondaryo va Navoiy viloyatlarida pasayish sur’ati kuzatilgan.

Joriy yilning birinchi choragida yengil avtomobillar savdosi 3,2 foizga pasaydi va 334,3 mingta mashina sotildi.

Birlamchi yengil avtomobillar bozorida ham 16,7 foizga pasayish kuzatildi, garchi xorijiy avtomobillar( 13,7 foiz) va foydalanilgan avtomobillar savdosi yanada sezilarli darajada (10,6 foiz) pasaygan.

Elektromobillar savdosi mart oyida 0,1 foizga va yillik hisobda 2,4 barobarga o‘sgan. Shu yilning birinchi choragi bo‘yicha savdo hajmi ham 3,7 barobarga koʻpayib, 8 mingta avtomobildan oshdi.

Avvalroq «Kursiv» BYD Song Pro O‘zbekiston bozoriga rasman kirganini yozgan edi.