O‘zbekistonda DXSh asosida maktabgacha ta’lim qanday rivojlanmoqda
2018-2023-yillarda davlat-xususiy sheriklik asosida bog‘chalar ochish bo‘yicha 3,7 trillion so‘mlik shartnomalar tuzilgan edi, deb xabar berdi O‘zbekiston Maktabgacha ta’lim agentligi matbuot xizmati.
Agentlik ma’lumotlariga koʻra, respublikada allaqachon 128,6 ming oʻrinli xususiy bolalar bogʻchalari faoliyat koʻrsatmoqda. So‘nggi besh yilda mamlakatimizda 26,5 ming oilaviy bolalar bog‘chasi foydalanishga topshirildi.
Bundan tashqari, bu sohada xususiy sektorning ulushi 36 foizga oshdi. 2017-yilda bu koʻrsatkich 0,01 foizni tashkil etgan edi.
2023-yilda maktabgacha ta’lim sohasida davlat-xususiy sheriklik asosida 4,7 mingdan ortiq loyihalar amalga oshirildi.
Eslatib o‘tamiz, fevral oyida O‘zbekiston prezidenti Shavkat Mirziyoyev joriy yilda davlat va xususiy bolalar bog‘chalarida 60 ming o‘rin tashkil etilishini rejalashtirayotganini aytgan edi.
Asosiy qismi – 50 ming oʻrin xususiy maktabgacha ta’lim muassasalarida, qolgan 10 mingtasi esa davlat bogʻchalarida boʻladi. Shu bilan birga, maktabgacha ta’lim muassasalariga qamrab olish 74 foizga oshgan bo‘lsa, 2016-yilda bu ko‘rsatkich 27 foizni tashkil etgan.
Avvalroq «Kursiv» O‘zbekiston bog‘chalarida karate o‘rgatilishi haqida yozgan edi.
