Xalqaro islom savdo-moliya korporatsiyasi Markaziy Osiyoda iqtisodiy rivojlanish dasturini ishga tushiradi
Xalqaro Islom savdo-moliya korporatsiyasi (ITFC) Toshkent investitsiya forumida «Trade Connect Central Asia+» (TCCA+) dasturi ishga tushirilishini ma’lum qildi. Bu haqda «Kursiv» muxbiri xabar bermoqda.
Tashabbus Markaziy Osiyo davlatlari va Ozarbayjonning iqtisodiy oʻsishi va iqtisodiy integratsiyasini ragʻbatlantirishga qaratilgan. Bu mamlakatlar Islom hamkorlik tashkiloti (IHT) a’zo davlatlardir.
Bu maqsadlarga erishish uchun eksport va sarmoyaviy imkoniyatlarni oshirish, raqobatbardoshlikni mustahkamlash va boshqa yoʻnalishlarni rivojlantirish koʻzda tutilgan.
Bundan tashqari, dastur Markaziy Osiyo davlatlari va boshqa mamlakatlar oʻrtasidagi savdo-sotiqni rivojlantirishni ragʻbatlantiradi.
Shuni ta’kidlash kerakki, TCCA+ dasturi ishtirok etayotgan mamlakatlarning oʻziga xos ehtiyojlariga moslashtirilgan.
ITFC Islom taraqqiyot banki guruhiga kiradi. Tashkilot 2008-yilda IHTga a’zo davlatlar oʻrtasidagi savdoni mustahkamlash maqsadida tashkil etilgan bo‘lib, korporatsiya tashkil etilganidan buyon IHT $75 milliard miqdorida moliyaviy yordam koʻrsatdi.
Avvalroq «Kursiv» ITB va Neft eksport qiluvchi davlatlar tashkiloti (OPEK) jamgʻarmasi Olmaotadan Termizgacha boʻlgan avtomobil yoʻlini rekonstruksiya qilish uchun Oʻzbekistonga $153,9 million ajratishi haqida xabar bergan edi.
