S&P Turkiyaga yana ishondi
«S&P Global Ratings» Turkiyaning uzoq muddatli xorijiy va milliy valyutadagi reytingini ‘B’dan ‘B+’ga ko‘tardi. Baholash prognozi «ijobiy».
Mutaxassislarning aniqlik kiritishicha, mahalliy saylovlardan keyin davlat pul-kredit siyosatini qattiqlashtirish va fiskal konsolidatsiyani bosqichma-bosqich amalga oshirish orqali inflyatsiyaga qarshi kurashni davom ettirmoqda.
Kelgusi ikki yil ichida S&P prognozlariga ko‘ra Turkiyaning joriy hisobi kamomadining kamayishi va inflyatsiyaning pasayishi kutilmoqda. Shu bilan birga, tahlilchilar mamlakatdagi inflyatsiya ikki raqamli bo‘lib saqlanib qolishi kutilmoqda.
S&P ma’lumotlariga ko‘ra, Turkiya Markaziy banki joriy yilning oxirigacha asosiy foiz stavkasini 50 foiz darajasida saqlab qolishi mumkin.
Agentlikning qayd etishicha, agar mamlakatda to‘lov balansi yaxshilansa, inflyatsiya pasaysa, milliy valyutadagi ichki jamg‘armalar ko‘paysa, buning natijasida valyuta zaxiralari ko‘paysa, Turkiya reytingi yana ko‘tarilishi mumkin.
Agar mamlakat moliyaviy barqarorligiga yoki Davlat byudjetiga bosim kuchaysa, masalan, milliy valyuta kursining zaiflashuvini to‘xtatib bo‘lmasa yoki rasmiylar inflyatsiyani jilovlash choralarini ko‘rishdan bosh tortsa, S&P Turkiya reyting prognozini «barqaror»ga o‘zgartirishga tayyor.
Eslatib o‘tamiz, mart oyi o‘rtalarida narxlarning yuqori ko‘tarilishi lira kursining oshishiga olib keldi. Keyin dollar kursi 32 liraga ko‘tarildi.
