Mirziyoyev TDTga temir yoʻl ma’muriyatlari kengashini tuzishni taklif qildi
O‘zbekiston prezidenti Shavkat Mirziyoyev 6-iyul kuni Shusha shahrida bo‘lib o‘tgan Turkiy davlatlar tashkiloti (TDT)ning norasmiy sammitida ishtirok etdi.
Mirziyoyev Temir yoʻl ma’muriyatlari kengashi va Turkiy ekologik kengash tuzishni taklif qildi, shuningdek, xalqaro yoʻnalishlardan samarali foydalanish boʻyicha kompleks chora-tadbirlar ishlab chiqish tashabbusi bilan chiqdi.
O‘zbekiston prezidenti iqlim o‘zgarishi va qayta tiklanadigan energiya masalalariga e’tibor qaratdi. Uning ta’kidlashicha, 2030-yilga borib Oʻzbekistonda qayta tiklanadigan energiya ulushi 40 foizgacha koʻtariladi.
Sammit yakunlari boʻyicha Qorabogʻ deklaratsiyasi va oʻzaro hamkorlikning ustuvor yoʻnalishlari boʻyicha kelishuvlar qabul qilindi.
Ozarbayjon prezidenti Ilhom Aliyev raisligidagi sammit transport aloqasi va iqlim o‘zgarishiga qarshi kurash masalalariga bag‘ishlandi. Tadbirda Qozog‘iston, Qirg‘iziston, Turkiya, Vengriya rahbarlari va boshqa rasmiy shaxslar ham qatnashdi.
Avvalroq «Kursiv» Mirziyoyev va Vengriya bosh vaziri Viktor Orban mintaqalar qo‘shma forumini o‘tkazishni muhokama qilganligini e’lon qilgan edi.
