Oʻzbekistonda «Yandex Lavka» brendini roʻyxatdan oʻtkazish uchun ariza topshirildi

9-avgust kuni Oʻzbekiston Adliya vazirligiga «Yandeks Lavka» tovar belgisini roʻyxatdan oʻtkazish uchun uchta ariza topshirilgan. Bu haqda Intellektual mulk elektron davlat xizmatlari portali bazasidagi ma’lumotlardan ma’lum boʻldi.

Ariza beruvchi «Yandex» MChJ boʻlib, lotin va kirill alifbolarida xizmat logotipi va nomi koʻrib chiqilmoqda.

«Yandeks Lavka» 2019-yil iyunida ishga tushirilgan. Xizmat portal yoki mobil ilova orqali mahalliy omborlardan uyingizga tayyor taom, tovarlar va uy-roʻzgʻor buyumlariga buyurtma berish xizmatlarini taqdim etadi.

2024-yil iyul oyi uchun xizmat Rossiyaning bir qator shahar va viloyatlarida, jumladan, Moskva, Sankt-Peterburg, Rostov-na-Donuda taqdim qilingan.

Avvalroq «Kursiv Uzbekistan» 2024-yil iyul oyi oxirida Yandex Uzbekistan pullik stajirovkalarni yoʻlga qoʻygani haqida xabar bergan edi.