Joriy yilning avgust oyida birinchi litsenziyalangan kriptodepozitariy Lockton Finance va eng yirik kriptovalyuta birjasi OKX o‘rtasida hamkorlik shartnomasi tuzildi, unga ko‘ra OKX birjasida taqdim etilgan kriptoaktivlarning keng assortimenti O‘zbekiston fuqarolari va yuridik shaxslari uchun mavjud bo‘ladi.
«OKX investitsion moduli noyabr oyining boshida kriptodepozitariy platformasida ish boshlaydi», – dedi Kursiv Uzbekistan nashriga kompaniya direktori Denis Shipilov «Fintech & Banking – 2024» forumi doirasida.
Lockton Finance o‘z platformasida spot investitsiyalarni va aktivlarni kastodial qilish xizmatlarini taklif qiladi. Yangi xizmat orqali O‘zbekiston rezidentlari 200 dan ortiq kriptoaktivlarga, jumladan, BTC, ETH, SOL, XRP, AVAX va boshqa ko‘plab tokenlarga qonuniy va qulay investitsiya qilishi mumkin. Hozirgi vaqtda Lockton Finance va OKX mutaxassislari investitsion modulni yopiq rejimda sinovdan o‘tkazishmoqda.
Kriptodepozitariy milliy valyutada ham, USDT’da ham pul mablag‘larini kiritish va yechib olishni qo‘llab-quvvatlaydi, shuningdek, Uzcard va Humo to‘lov tizimlari bilan ishlashni ta’minlaydi.
Jismoniy va yuridik shaxslar uchun depozit dasturlari depozitar platformasida allaqachon mavjud va ITO moduli 2024-yil iyul oyidan boshlab ishlamoqda. Bu emitentlarga tovar, utilitar va investitsiya tokenlari asosida oʻz kriptoaktivlarini chiqarish imkonini beradi, bu esa oʻz navbatida, qiymat va mulkiy huquqlarni o‘tkazish uchun noyob vositalarni yaratish biznes uchun misli ko‘rilmagan imkoniyatlarni ochadi.
Eslatib oʻtamiz, Oʻzbekistonda kriptoaktivlar bilan operatsiyalar faqat OʻzRda litsenziyalangan platformalarda amalga oshiriladi. Avvalroq Kursiv bunday aktivlarni so‘mga qonuniy ravishda qanday sotib olish mumkinligi haqida yozgan edi. Litsenziyalangan platformalarda tobora ko‘proq kriptovalyutalar paydo bo‘lmoqda. Misol uchun, sentabr oyida Toncoin UzNex birjasida joylashtirilgan edi.
