Uzum bank ustav kapitalini 500 milliard so‘mgacha oshirishni rejalashtirmoqda. Bu haqda Korporativ axborot yagona portalida ma’lum qilindi.
Bankning 150 million dona oddiy aksiyalar chiqarishi kutilmoqda. Bir qimmatli qog‘ozning nominal qiymati 1 ming so‘mni tashkil qiladi.
Joriy yilning 25-oktabr holatiga ko‘ra, Uzumbankning ustav kapitali 350 mlrd so‘m etib belgilangan. III chorak yakunlari bo‘yicha kompaniyaning sof foydasi esa 32,4 mlrd so‘mni tashkil etdi.
2023-yil aprel oyida O‘zbekistonda banklarning ustav kapitalini bosqichma-bosqich oshirish bo‘yicha o‘zgartirishlar tasdiqladi. 2025-yil boshiga qadar bu ko‘rsatkichni 500 milliard so‘mga yetkazish kerak.
Avvalroq Kursiv Uzbekistan Uzum bankning ustav kapitali 350 mlrd soʻmgacha oshirilishi haqida yozgan edi.
