Chery kompaniyasi 23-dekabr kuni yangi Tiggo 5x High Energy Edition krossoverini taqdim etishini ma’lum qildi.
Ta’kidlanishicha, avtomobil kuzovi va salonining yangilangan dizayniga ega boʻldi. Old panjara yupqa kunduzgi yurish chiroqlari bilan uygʻunlashgan, besh qirrali disklar esa sport uslubidan darak beradi.
Chery Tiggo 5x High Energy Edition Lion 5.0 AI cockpit tizimini oladi. Avtomobil qora interyer va 20,5 dyuymli Nebula ekrani, haydovchi uchun elektr 6 pozitsiyali aniq sozlanadigan sport oʻrindiqlari va charm qoplangan koʻp funksiyali rul chambaragi bilan jihozlanadi.
Shuningdek, avtomobil kuzovi 80 foiz oʻta mustahkam poʻlatdan iborat boʻlib, bu xavfsizlikni oshiradi. Xavfsizlik yostiqchalari bosimni 6 soniyagacha ushlab turadi.
Avvalroq «Kursiv» Oʻzbekistonda Chery avtomobillarini ishlab chiqarish 30 foizga kamaygani haqida xabar bergan edi
