22-fevral kuni Namanganda 1-xalqaro «Namangan avtofestivali» bo‘lib o‘tdi. Namangan viloyati hokimligi tashabbusi bilan tashkil etilgan festival yoshlarni kasb-hunarga qiziqtirish, texnik va avto havaskorlarni qo‘llab-quvvatlash, avtomobil tyuningi sanoatini rivojlantirish maqsadida o‘tkazildi.
Festival 50 dan ziyod noyob avtomobillar ishtirokidagi avtoparad bilan boshlandi. «Namangan xalqaro aeroporti» oldidan start olgan avtomobillar shaharning asosiy ko‘chalari bo‘ylab harakatlandi.
Festival tadbirlari Davlatobod tumanidagi «Afsonalar vodiysi» tematik parkida davom etdi. Retro va tyuning avtomobillari ko‘rgazmasi, avtoauksion, ehtiyot qismlar yarmarkasi va qimmatbaho sport avtomobillari namoyishi tashrif buyuruvchilarga taqdim etildi. Shuningdek, turli musobaqalar ham o‘tkazildi.
Festival yakunida g‘olib va sovrindorlar, shuningdek, faol ishtirokchilar esdalik sovg‘alari bilan taqdirlandi.
Avvalroq Kursiv Uzbekistan respublikaning ikkilamchi bozorida avtomobillar narxi qanday o‘zgargani haqida xabar bergan edi.
