Olimlar koʻr bolalarning koʻrish qobiliyatini tikladi

Buyuk Britaniya olimlari retinaning kam uchraydigan irsiy kasalligiga chalingan bolalarda koʻrish qobiliyatini tiklash uchun gen terapiyasidan muvaffaqiyatli foydalanishdi. Bu haqda New Atlas xabar bermoqda.

Davolash uchun bolalarga genning funksional nusxalari toʻgʻridan-toʻgʻri koʻzning toʻr pardasiga kiritilgan. Preparat toʻgʻrilangan AIPL1 genini fotoretseptorlarga yetkazib berishi sababli ularning yorugʻlikni elektr signallariga aylantirish qobiliyatini tiklash mumkin.

Terapiyaning birinchi bosqichida toʻrtta bola faqat bitta koʻzda davolangan. Toʻrt hafta oʻtgach, ularning koʻrish qobiliyati yorugʻlikni kuzatish, obyekt harakati va fazoviy yoʻnalishni oʻz ichiga olgan turli testlar yordamida sinovdan oʻtkazilgan. Tahlillar davolangan koʻz tasvirlarni idrok qila boshlagani, davolanmagan koʻz esa butunlay koʻr boʻlib qolgani koʻrsatmoqda.

Keyingi yetti nafar bola bir vaqtning oʻzida ikkala koʻziga terapiya oldi. Ularning kuzatishlari hali ham davom etmoqda, ammo dastlabki natijalar bir xil darajada muvaffaqiyatga erishdi. Mutaxassislarning taʼkidlashicha, koʻrishning tiklanishi nafaqat atrofdagi dunyoni idrok etishga, balki umuman bolalarning rivojlanishiga ham ijobiy taʼsir koʻrsatgan.

Terapiya allaqachon FDA va Yevropa Komissiyasidan davolash maqomini oldi. Bu uning rasmiy tasdiqlanishi va klinik amaliyotga joriy etilishi uchun yoʻl ochadi. Tadqiqotchilar bu usul irsiy koʻz kasalliklarining boshqa shakllarini davolash uchun asos boʻlishiga umid qilishmoqda.

Eslatib oʻtamiz, Kursiv Uzbekistan Toshkentda Respublika ixtisoslashtirilgan nevrologiya va insult ilmiy-amaliy tibbiyot markazini qurilishi haqida yozgan edi.