Olmaota aeroportida garovga olingan ayolni qutqargan shaxs mukofotlanadi

Qozogʻiston prezidenti Qosim-Jomart Toqayev Olmaota aeroportida garovga olingan ayolni jinoyatchidan qutqargan erkakni mukofotlash boʻyicha topshiriq berdi. Bu haqda Qozogʻiston rahbarining matbuot kotibi Ruslan Jeldibay xabar berdi.

Hodisa 7-mart kuni Toshkent vaqti bilan soat 11:45 da sodir boʻlgan. Olmaota aeroportida 67 yoshli fuqaro hujjatlarni tekshirish chogʻida pichoq olib, aeroport xodimini garovga olgan va portlatish bilan tahdid qilgan.

Muzokaralar davomida erkaklardan biri ayolning oʻrniga oʻzini garovga qoʻyishni taklif qildi. Jinoyatchi chalgʻiganida, erkak uni qurolsizlantirgan.

Tengrinews nashri ma’lumotlariga koʻra, aeroport xodimini qutqargan erkakning ismi Abdraim Musa.

Keyinchalik Muso jang san’atining turli turlari bilan shugʻullangani ma’lum boʻldi. Orda.kz portaliga bergan intervyusida u garovga olingan qizning hayoti uchun qoʻrqqanini aytdi.

«Uning qizga hujum qilganini koʻrdim. Men oʻzim uchun emas, faqat u uchun qoʻrqdim», – deya vaziyatga izoh berdi u.

Avvalroq «Kursiv» Oʻzbekistonda jinoyatlarni hisobga olish tizimi raqamlashtirilayotgani haqida yozgan edi.