HAMAS siyosiy byurosi a’zosi Saloh al-Bardavil Isroilning Gʻazoga bergan havo hujumida halok boʻldi
eʼlon qilindi
G‘azodagi janglar olti kundan buyon davom etmoqda
HAMAS siyosiy byurosi a’zosi Saloh al-Bardavil Xon-Yunis shahri yaqinida Isroil havo hujumi natijasida halok boʻldi. Bu haqda Reuters agentligi xabar bermoqda.
Harakat vakillarining aytishicha, u bilan birga al-Bardavilning rafiqasi ham vafot etgan. Yakshanbaga oʻtar kechasi Isroil havo hujumlarida jami kamida 19 falastinlik halok boʻlgan.
Isroil harbiy kuchlari 18-martga oʻtar kechasi Gʻazoga zarba berishni davom ettirgan. Isroil va HAMAS oʻrtasidagi oʻt ochishni toʻxtatish kelishuvi uch hafta oldin tugagan edi. Janglar qayta boshlanishidan oldin Isroil Gʻazoning elektr va suv ta’minotini toʻxtatdi.
Eslatib oʻtamiz, Kursiv Uzbekistan nashri AQSh Arab ligasining Gʻazo sektoriga oid takliflarini rad etgani haqida yozgan edi.
