Fayzullayev «Barselona»ga oʻtish uchun ishonishi va qattiq mehnat qilishi kerak – Pyanich

4-aprel 2025 17:56 eʼlon qilindi

Mirjalol Norqobilov

Mirjalol Norqobilov

Muxbir m.norqobilov@kursiv.media
Abbosbek Fayzullayev Foto: «SSKA»

«SSKA» jamoasi yarim himoyachisi Miralem Pyanich jamoadoshi Abbos Fayzullayevga «Barselona»ga oʻtish orzusini qanday amalga oshirish boʻyicha oʻz maslahatini berdi.

«Abbosda zoʻr futbolchi boʻlish uchun barcha salohiyat bor. Agar u «Barselona»da oʻynashni istasa, birinchi navbatda orzusiga ishonishi va shu yoʻlda tinimsiz harakat qilishi kerak. Bu oson va qisqa yoʻl emas, lekin hech qanday holatda toʻxtash yoki taslim boʻlish mumkin emas. Har kuni jiddiy mehnat qilib, doim oʻz ustida ishlash lozim. Boshqa retsept yoʻq», – deydi Pyanich.

Ma’lumot uchun, 35-yoshli Pyanich 2020/2021 mavsumida «Barselona» safida toʻp surgan.

Abbos Fayzullayev esa 2023-yil yozidan buyon Moskva klubi sharafini himoya qilib kelmoqda. Uning klub bilan amaldagi shartnomasi 2026-yilgacha davom etadi.

Eslatib oʻtamiz, Transfermarkt portalida 21-yoshli futbolchining narxi 8 million yevroga baholangan.

Avvalroq Kursiv Uzbekistan Fayzullayevga «Galatasaroy» va «Benfika» klublari qiziqish bildirgani haqida yozgan edi.

Shuningdek