Samsung Watch Ultra $649 narx bilan aqlli soatlar olamida yangilik bo’lib kirib keldi. Bu smart soat haqida Kursiv Uzbekistan Sammobile nashriga tayanib, qiziqarli ma’lumotlarni tayyorladi.
Dizayn
Samsung Watch Ultra uchun yangi yo’nalishni tanlagan. Doiraviy ekranni to’rtburchak korpus bilan birlashtirgan. Birinchi ko‘rishda u Panerai soatlarini eslatadi. Samsung bu dizayni ajoyib darajada qilgan. Yangi dizayn bardoshli va sportchilarga mo‘ljallangan. Korpus titan materialidan yasalgan. Sapfir shisha bilan himoyalangan. Soat IP68 suv o‘tkazmaslik standartiga ega. U 100 metr chuqurlikka bardosh bera oladi. 9000 metr balandlikda ham ishlay oladi.
Ekran 131 gradus Farengeyt issiqqa chidaydi. Everest cho‘qqisiga chiqishda taqsangiz ham bo‘ladi. Galaxy Frontier soatini eslatadi. Faqat uyquga ketishda qalinlik halal beradi.
Samsung Watch Ultra faqat 47 mm o’lchamda mavjud. Ba’zilarga kattaroq tuyulishi mumkin. To‘q sariq Quick tugmasi mavjud. Unga turli vazifalarni belgilash mumkin. Xavfsizlik signalini, mashq rejimini yoki chiroqni yoqishi mumkin. Signal tovushi 85 desibelgacha baland. Sport kamarlar yangi soatga mos. Ular chiroyli ranglarda taqdim etilgan.
Ishlash samarasi
Watch Ultra va Watch 7 bir xil quvvatga ega. Ikkalasi ham 3nm Exynos W1000 protsessoridan foydalanadi. 2GB operativ xotira va 32GB ichki xotira mavjud. Ikki diapazonli GPS bilan ta’minlangan. Track Back funksiyasi ham qo’shilgan. U siz boshlagan joyga qaytish yo’lini ko‘rsatadi. Samsung dastur va qurilmani muvofiqlashtirishni juda yaxshi o’rgangan. Interfeys tez va ravon ishlaydi. Ilovalar tezda ochiladi. Mashq kuzatuvchilari ham zudlik bilan ishga tushadi. Android Wear OS va Samsung One UI mukammal ishlamoqda. Ba’zi funksiyalar faqat Samsung telefonida ishlaydi.
Displey
1.47 dyumli 480×480 ekran Samsung soatlarining eng yorqinidir. 3000 nit yorug’lik darajasiga ega. Sapfir shisha ekranni yaxshi himoya qiladi. Yorqin quyosh ostida ham ekranni ko’rish oson. Bu soat ochiq havoda ishlatish uchun mo’ljallangan. Ekran har qanday sharoitda ham ko’rinishi ta’minlangan.
Salomatlik va fitnes
Watch Ultra kuchli salomatlik kuzatuvchisidir. Yangi BioActive sensor barcha ko’rsatkichlarni kuzatib boradi. Yurak urishi, qon bosimi va kislorod o’lchanadi. Tana tarkibi va uyqu ham tahlil qilinadi. O’nlab mashqlar avtomatik aniqlanadi. Yurish va yugurish aniq kuzatiladi. Ammo kuchlanish va presli mashqlar aniqligida kamchiliklar bor. Multi-Sport Tile yangi qo’shimcha funksiya hisoblanadi. O’z mashq rejangizni yaratish mumkin. Faqat cheklangan mashq turlari qo’shilgan.
Samsung bu imkoniyatni kengaytirishi kerak. Personal murabbiylar uchun ham funksiyalar qo’shilishi kerak. Velosipedchilar uchun maxsus ko’rsatkichlar kiritilgan. Glukoza oksidlanish indeksi ham yangi qo’shilgan funksiya. Uyqu tahlili ham yaxshi ishlaydi. Xurrak va uyqu apnoesini ham aniqlaydi. Samsung Health barcha ma’lumotlarni to’playdi. Energiya Koeffitsienti tanangiz holatini umumiy ko’rsatadi.
Batareya quvvati
590mAh batareya Watch Ultra’da o’rnatilgan. Bu Watch 7 dan ustunligining asosiy sababi. Bir quvvatlashda ikki kun-ikki kecha ishlaydi. Quvvat tejash rejimida uch kunga yetadi. Jiddiy tog’ ekspeditsiyalari uchun kamlik qiladi. Soatni telefon orqali quvvatlash imkoni yo’q. Ko’pchilik foydalanuvchilar uchun ikki kunlik quvvat yetarli. Ekstrim sharoitda ko’proq ishlashi kerak edi.
Avvalroq Kursiv Uzbekistan Samsung uzugi o‘zi qanday ishlashi haqida xabar bergan edi.
