FAW Audi kompaniyasi Audi PPC platformasida qurilgan yangi A5L modelining interyerini namoyish qildi. Avtomobil so‘nggi avlod EA888 Evo5 dvigateli bilan jihozlangan. Bu haqda ITHome nashri xabar bermoqda.
Modelning uzunligi 4908 mm, g‘ildirak bazasi esa 2969 mmni tashkil etadi. Orqa o‘rindiqlarning burchagi 28° gacha oshirilgan.
FAW Audi A5L interyerida panoramali 11,9 dyuymli Audi MMI displey, 14,5 dyuymli kavisli OLED ekran va old yo‘lovchi uchun qo‘shimcha 10,9 dyuymli ekran mavjud. Yangi ovozli yordamchi o‘rnatilgan.
O‘rindiqlarda harakat datchiklari, to‘qqizta massaj funksiyasi, sozlanishi oyoq tayanchlari va 118 mm kenglikdagi yon tayanchlar 60 mm rostlash masofasiga ega.
Markaziy konsolda kavisli sensorli ekran va o‘rnatilgan vites o‘zgartirish dastagi mavjud, 40 Vt simsiz zaryadlash esa bir vaqtning o‘zida ikkita qurilmani quvvatlantirish imkonini beradi.
Eslatib o‘tamiz, Kursiv Uzbekistan nashri Audi Q5L avtomobili taqdim etilgani haqida yozgan edi.
