O‘zbekistonliklar Xotira va qadrlash kunini qanday nishonladi – fotoreportaj

9-may kuni O‘zbekistonda Xotira va qadrlash kuni bayrami nishonlandi. Kursiv Uzbekistan muxbiri G‘alaba bog‘ida bo‘lib, Toshkentdagilar ushbu bayramni qanday o‘tkazayotganini suratga oldi.

Ikkinchi jahon urushi yillarida 1,5 million o‘zbekistonlik frontga jo‘natilgan. Ulardan 538 ming nafari halok bo‘lgan. Mudofaa vazirligining ma’lumotlariga ko‘ra, 2025-yil may oyining boshiga kelib, mamlakatda 82 nafar urush faxriysi yashamoqda.

Urush yillarida O‘zbekistonga 100 dan ortiq korxonalar evakuatsiya qilingan bo‘lib, ular texnika, o‘q-dorilar va dori-darmon ishlab chiqargan.

Shuningdek, G‘alaba bog‘ida O‘zbekiston mustaqilligi yillarida Vatan himoyasi yo‘lida jon bergan harbiylar va huquq-tartibot xodimlariga bag‘ishlangan Milliy qahramonlar xiyoboni joylashgan.

Avvalroq Kursiv Uzbekistan Shavkat Mirziyoyev g‘alabaning 80-yilligiga bag‘ishlangan tantanali tadbirlarda ishtirok etgani haqida yozgandi.