AQShda xalqaro qidiruvda bo‘lgan O‘zbekiston fuqarosi qo‘lga olinib, vatanga deportatsiya qilindi. Bu haqda Ichki ishlar vazirligi Interpolning O‘zbekistondagi Milliy markaziy byurosiga tayanib xabar berdi.
Ushbu fuqaro ko‘p miqdordagi mol-mulkni o‘zlashtirish yoki rastrata qilish yo‘li bilan talon-toroj qilish jinoyatini sodir etganlikda gumon qilinib, Interpol tomonidan qidiruvga berilgan edi.
Interpol MMB tomonidan ushbu shaxs deportatsiya qilinib, 13-iyul kuni Toshkent shahriga olib kelindi. Hozirda unga nisbatan qonunchilikda belgilangan tartibda javobgarlik masalasi ko‘rib chiqilmoqda.
Avvalroq «Kursiv» nashri Turkiyadagi deportatsiya markazlaridan 50 nafar o‘zbekistonlik ayol vatanga qaytarilgani haqida yozgandi.
