AQSh prezidenti Donald Tramp Intel kompaniyasining 10% ulushini sotib olishini e’lon qildi. Bu haqda Reuters agentligi ma’lum qildi.
Unga ko‘ra, kelishuv hukumat grantlarini aksiyaga aylantirish orqali amalga oshirilib, Intelga qariyb $10 mlrd mablag‘ ajratiladi.
Shartnoma asosida AQSh Intel aksiyalarining 9,9% qismini $8,9 mlrdga sotib oladi. Mablag‘ning katta qismi Biden davridagi Chips Act grantlari va «Secure Enclave» dasturi orqali taqdim etiladi.
Mutaxassislar fikricha, federal qo‘llab-quvvatlash Intel’ning zarar ko‘rayotgan zavod faoliyatini tiklashga yordam berishi mumkin. Biroq kompaniya texnologiya bo‘yicha raqib TSMC’dan ortda qolmoqda va sun’iy intellekt bozorida Nvidia yetakchiligini boy bergan.
Ma’lumot uchun, Intel 2024-yilda $18,8 mlrd zarar ko‘rgan bo‘lib, bu so‘nggi qariyb 40 yilda birinchi yillik zarar hisoblanadi. Yangi bosh direktor Lip-Bu Tan kompaniyani inqirozdan chiqarish vazifasini bajarmoqda.
Eslatib o‘tamiz, avvalroq Apple’ning AQSh iqtisodiyotiga $100 milliard sarmoya kiritishi haqida xabar bergan edik.
