«Manchester Siti» 9-yanvar kuni «Bornmut» hujumchisi Antuan Semenyoni rasman o‘z safiga qo‘shib oldi. Bu haqda klub matbuot xizmati xabar bermoqda. 26 yoshli futbolchi bilan 2031-yilgacha mo‘ljallangan besh yarim yillik shartnoma imzolandi.
Antuan Semenyo Pep Gvardiola jamoasiga darhol qo‘shiladi va kelasi seshanba kuni «Nyukasl»ga qarshi bo‘lib o‘tadigan Angilya kubogi yarim final uchrashuvida maydonga tushish mumkin. Ganalik futbolchi joriy 2025/26-yilgi mavsumda «Bornmut» safida 21 ta o‘yinda maydonga tushib, 10 ta gol urdi va 3 ta golli uzatmani amalga oshirdi.
«Antuan kamtarin, mehnatkash va professional futbolchi. U biz qo‘ymoqchi bo‘lgan o‘yin uslubiga juda mos keladi», — dedi «Manchester Siti» futbol direktori Ugo Viana
Asli kelib chiqishi ganalik bo‘lgan, ammo Londonda tug‘ilgan Semenyo faoliyatini «Bristol Siti»da boshlagan. Keyinchalik u «Nyuport», «Sanderlend» klublarida ijara asosida to‘p surgan va 2023-yili «Bornmut»ga o‘tgan edi.
Ma’lumot uchun, hujumchi Gana milliy terma jamoasi safida 32 ta o‘yin o‘tkazgan.
Avvalroq Kursiv Uzbekistan Liam Rosenior «Chelsi» bosh murabbiyi etib tayinlangani haqida xabar bergan edi.
